WAGHIEH!!! MOH MENJOGHIT

بسم الله الرحمن الرحيم

السلام عليكم ورحمة الله وبركاته

Selamat Pagi, Salam Sejahtero, Salam Sayang, Salam 1 Agamo, Salam 1 Bangso, Salam 1 Malaysia, Salam 1,2,3,4,5,6,7,8,9,10 kepado semuo waghieh P.E.K.E.T.A..


Harap2 semuo eh canggih2 belako hari ni. Nak umum sikit ha, sesapo yang ghaso eh dah lamo tak menjoghit tu, buleh la menjoghit semulo. Aplikasi joghit yang lamo tu kono bayar la pulak, tapi takpo, kito pakai yang laie canggih, yang canggih komfom la yang FREE... hahahaha... ha moh la yo, jangan tunggu laie...


Opsss... Lupo plak nak boghi tau cagho2 nak guno eh.

1. Memulo sekali baco Bismillah dulu tak kigho la dalam hati ko, nak baco kuek2 kek tongah laman mahupun di dalam opis ko, pokok kek koghang la...
2. Peghati an kek box tu, ado logo muko buku ataupun dalam bahaso melayu eh Facebook. Klik la kek situ yo waghieh, sobab yang baghu ni kan canggih, dio ado link mo fesbuk, login guno fesbuk. Cangggehhh bebbb!!!
3. Dah login? Ha dah buleh la nak melalak ko, nak menjoghit ko tapi sobolum tu, boghi la salam dulu Waghieh yo. Laie la canggehh kalau lopeh boghi salam tu dapek mukadimah berpantun dulu sepatah duo.
4. Nak laie canggih? Ado laie waghieh. Kito buleh tengok plak apo yang dah dibughak an selamo ni, yang lopeh-lopeh tu. Cagho eh? Kek sudut atas kanan box tu ado gambar jam dongan anak panah hijau. Klik la kek situ yo waghieh.
5. E'eh!!! Ado pulak penambahan penyonyum kek situ. Sesapo yang ghaso secagho reality eh sonyum eh tak berapo nak canggih, buleh la guna penyonyum yang disediokan kek sebolah History tu yo. Apo ko bondo eh penyonyum tu? Ha dalam bahaso Kepulauan Fiji eh, Smiley...

Ha apo tunggu laie waghieh!!!
Joghit jangan tak joghit...

     Yang Benar, Adil dan Saksama
Mr. Mohd 'Neymar' Zulkhairi Baharin